ചെങ്ങന്നൂർ: അഖിലുമായുള്ള വിവാദങ്ങൾക്കിടെ ആദ്യമായി സോഷ്യൽ മീഡിയയിലൂടെ പ്രതികരണവുമായി മേഘ. തനിക്കെതിരെ ഉയർന്ന ആരോപണങ്ങൾക്കും ‘ഒളിച്ചോടിപ്പോയി’ എന്ന തരത്തിലുള്ള പ്രചാരണങ്ങൾക്കും മറുപടിയായാണ് മേഘ ഇൻസ്റ്റാഗ്രാം അക്കൗണ്ടിൽ പുതിയ ചിത്രങ്ങൾ പങ്കുവെച്ചത്.
ചെങ്ങന്നൂരിലെ സ്വന്തം അച്ഛന്റെ വീട്ടിൽ നിന്നുള്ള ചിത്രങ്ങളാണ് മേഘ ഇൻസ്റ്റാഗ്രാമിൽ പോസ്റ്റ് ചെയ്തത്. “ഞാൻ എന്റെ അച്ഛന്റെ വീട്ടിൽ എത്തി” എന്ന കാര്യം വ്യക്തമാക്കുന്നതായിരുന്നു ചിത്രങ്ങൾ. മേഘയുടെ പുതിയ സോഷ്യൽ മീഡിയ പ്രതികരണം സൈബർ ഇടങ്ങളിൽ വലിയ ചർച്ചയ്ക്കും വഴിവെച്ചിട്ടുണ്ട്.
മേഘ വീട്ടിൽ നിന്ന് മറ്റൊരാൾക്കൊപ്പം പോയെന്ന തരത്തിലുള്ള ആരോപണങ്ങളുമായി അഖിൽ നേരത്തെ രംഗത്തെത്തിയിരുന്നു. ഇതിന് തെളിവെന്ന നിലയിൽ സിസിടിവി ദൃശ്യങ്ങൾ ഉൾപ്പെടെയുള്ളവയും അഖിൽ സോഷ്യൽ മീഡിയയിൽ പങ്കുവെച്ചിരുന്നു.
അതേസമയം, വിവാദങ്ങൾ ആരംഭിച്ച ഘട്ടത്തിൽ അഖിലിന് മറ്റ് ബന്ധങ്ങളുണ്ടെന്ന ആരോപണവുമായി മേഘയുടെ ഒരു വീഡിയോയും സോഷ്യൽ മീഡിയയിൽ പ്രചരിച്ചിരുന്നു. എന്നാൽ പിന്നീട് ഈ വീഡിയോ ഡിലീറ്റ് ചെയ്യപ്പെട്ടു.
അഖിലിന്റെ ആരോപണങ്ങൾക്കും തനിക്കെതിരായ പ്രചാരണങ്ങൾക്കും മേഘ നേരിട്ട് മറുപടി നൽകാതെ, അച്ഛന്റെ വീട്ടിൽ നിന്നുള്ള ചിത്രങ്ങളിലൂടെയാണ് ഇപ്പോൾ തന്റെ സാന്നിധ്യം വ്യക്തമാക്കിയിരിക്കുന്നത്. സംഭവവുമായി ബന്ധപ്പെട്ട് ഇരുവിഭാഗങ്ങളുടെയും പ്രതികരണങ്ങൾ സോഷ്യൽ മീഡിയയിൽ ചർച്ചയാകുകയാണ്.
