കൊല്ലം കുണ്ടറയിൽ പെട്ടിഓട്ടോറിക്ഷ നിയന്ത്രണം വിട്ട് മൂന്ന് വാഹനങ്ങളിൽ ഇടിച്ചുണ്ടായ അപകടത്തിൽ ഒരാൾ മരിച്ചു. മുളവന പുന്നത്തടം സ്വദേശി ബഷീർകുട്ടി (74) ആണ് ചികിത്സയിലിരിക്കെ സെപ്റ്റംബർ 11ന് പുലർച്ചെ മരിച്ചത്.

സെപ്റ്റംബർ 10, വ്യാഴാഴ്ച വൈകിട്ട് കുണ്ടറ പെരുംപുഴ ഷാപ്പുമുക്കിലാണ് അപകടം നടന്നത്. അമിതവേഗതയിലെത്തിയ ഗുഡ്സ് ഓട്ടോയുടെ (പെട്ടിഓട്ടോറിക്ഷ) നിയന്ത്രണം നഷ്ടപ്പെടുകയായിരുന്നു. എതിരെ വന്ന കാർ, മറ്റൊരു ഓട്ടോറിക്ഷ, റോഡരികിൽ നിർത്തിയിട്ടിരുന്ന ടിപ്പർ ലോറി എന്നിവയിലാണ് പെട്ടിഓട്ടോ ഇടിച്ചുകയറിയത്.

അപകടത്തിൽ ബഷീർകുട്ടിയുടെ ഭാര്യ ഉലൈമുത്തിനും, മറ്റൊരു വാഹനത്തിലുണ്ടായിരുന്ന യാത്രക്കാരൻ സുർജിത്തിനും പരിക്കേറ്റു. പരിക്കേറ്റവരെ ചികിത്സയ്ക്കായി ആശുപത്രിയിൽ പ്രവേശിപ്പിച്ചു.