പാലക്കാട്: പൂജാ ഉത്സവകാലത്തെ യാത്രക്കാരുടെ തിരക്ക് നിയന്ത്രിക്കുന്നതിനായി ചെന്നൈ എഗ്മോർ – മംഗളൂരു സെൻട്രൽ റൂട്ടിൽ ഒക്ടോബർ 17ന് പ്രത്യേക ട്രെയിൻ സർവീസ് നടത്തുമെന്ന് ദക്ഷിണ റെയിൽവേ പാലക്കാട് ഡിവിഷൻ അറിയിച്ചു. 06036 നമ്പർ വൺവേ ഫെസ്റ്റിവൽ സ്പെഷ്യൽ എക്സ്പ്രസാണ് സർവീസ് നടത്തുന്നത്.

ഒക്ടോബർ 17 ശനിയാഴ്ച രാത്രി 11.55ന് ചെന്നൈ എഗ്മോറിൽനിന്ന് പുറപ്പെടുന്ന ട്രെയിൻ അടുത്ത ദിവസം ഞായറാഴ്ച രാത്രി 7.45ന് മംഗളൂരു സെൻട്രലിലെത്തും. പൂജാ അവധിക്കാലത്തെ അധിക യാത്രക്കാരുടെ തിരക്ക് പരിഗണിച്ചാണ് പ്രത്യേക സർവീസ് ഏർപ്പെടുത്തിയിരിക്കുന്നത്.

ചെന്നൈ എഗ്മോറിനും മംഗളൂരു സെൻട്രലിനുമിടയിൽ പെരമ്പൂർ, തിരുവള്ളൂർ, അരക്കോണം ജങ്ഷൻ, കാട്പാടി ജങ്ഷൻ, ജൊളാർപേട്ടൈ ജങ്ഷൻ, സേലം ജങ്ഷൻ, ഈറോഡ് ജങ്ഷൻ, തിരുപ്പൂർ, പൊടനൂർ ജങ്ഷൻ, പാലക്കാട് ജങ്ഷൻ, ഷൊർണൂർ ജങ്ഷൻ, തിരൂർ, കോഴിക്കോട്, വടകര, തലശ്ശേരി, കണ്ണൂർ, പയ്യന്നൂർ, നീലേശ്വരം, കാഞ്ഞങ്ങാട്, കാസർകോട് എന്നിവിടങ്ങളിൽ ട്രെയിനിന് സ്റ്റോപ്പുകളുണ്ടാകും

ട്രെയിനിൽ ഒരു ഫസ്റ്റ് ക്ലാസ് എസി കോച്ച്, രണ്ട് എസി ടു ടയർ കോച്ചുകൾ, മൂന്ന് എസി ത്രീ ടയർ കോച്ചുകൾ, ഒൻപത് സ്ലീപ്പർ ക്ലാസ് കോച്ചുകൾ, നാല് ജനറൽ രണ്ടാം ക്ലാസ് കോച്ചുകൾ, ഒരു ലഗേജ് കം ബ്രേക്ക് വാൻ, ഒരു ജനറേറ്റർ കാർ കോച്ച് എന്നിവയുണ്ടാകും.