പൃഥ്വിരാജ് സുകുമാരനും കരീന കപൂർ ഖാനും പ്രധാന വേഷങ്ങളിലെത്തുന്ന ക്രൈം ത്രില്ലർ ചിത്രം **‘ദായ്റ’**യുടെ ഔദ്യോഗിക ട്രെയിലർ പുറത്തിറങ്ങി. ചിത്രത്തിലെ ട്രെയിലർ പൃഥ്വിരാജ് തന്നെയാണ് സോഷ്യൽ മീഡിയയിലൂടെ പങ്കുവെച്ചത്. ഇരുവരും ആദ്യമായി ഒരുമിച്ച് സ്ക്രീനിലെത്തുന്ന ചിത്രമാണിത്.

ചിത്രത്തിൽ എതിരാളികളായ പൊലീസ് ഉദ്യോഗസ്ഥരായാണ് പൃഥ്വിരാജും കരീനയും വേഷമിടുന്നത്. പൃഥ്വിരാജ് ഡിസിപി രമൺ കുമാറായും കരീന ഡിസിപി അജൂനി കോഹ്‌ലിയായും എത്തുന്നു. ഒരു പെൺകുട്ടിയുടെ തിരോധാനവുമായി ബന്ധപ്പെട്ട വിവാദ പൊലീസ് ഏറ്റുമുട്ടൽ കേസാണ് ഇരുവരും അന്വേഷിക്കുന്നത്. കേസിന്റെ അന്വേഷണത്തിനിടെ പുറത്തുവരുന്ന സത്യങ്ങളും പരസ്പരവിരുദ്ധമായ നിലപാടുകളുമാണ് കഥയുടെ പ്രധാന പ്രമേയം.

https://x.com/PrithviOfficial/status/2094437520306270587

യഥാർഥ സംഭവങ്ങളിൽ നിന്ന് പ്രചോദനം ഉൾക്കൊണ്ടാണ് ചിത്രം ഒരുക്കിയിരിക്കുന്നത്. നീതി, ഉത്തരവാദിത്തം, പൊലീസ് നടപടികളുടെ നൈതിക പരിധികൾ തുടങ്ങിയ സങ്കീർണ വിഷയങ്ങളിലൂടെയാണ് ‘ദായ്റ’ കടന്നുപോകുന്നത്. പ്രായപൂർത്തിയാകാത്തവരുമായി ബന്ധപ്പെട്ട കുറ്റകൃത്യങ്ങളിലും പൊലീസ് ഏറ്റുമുട്ടലുകളിലും നിയമവും നീതിയും എവിടെയാണ് നിൽക്കേണ്ടതെന്ന ചോദ്യവും ചിത്രം ഉയർത്തുന്നു.

‘എല്ലാ സത്യങ്ങൾക്കും എളുപ്പമുള്ള ഉത്തരങ്ങളുണ്ടാകണമെന്നില്ല’ എന്ന ആശയം മുന്നോട്ടുവയ്ക്കുന്നതാണ് ട്രെയിലറും പൃഥ്വിരാജിന്റെ പോസ്റ്റിന്റെ കുറിപ്പും. കുറ്റം, നീതി, അധികാരം, വ്യക്തിപരമായ ധാർമികത എന്നിവയ്ക്കിടയിലെ സംഘർഷമാണ് ചിത്രത്തിന്റെ പ്രധാന ആകർഷണം.

സംവിധാനം ചെയ്യുന്ന ‘ദായ്റ’ ജംഗിൾ പിക്ചേഴ്സും പെൻ സ്റ്റുഡിയോസും ചേർന്നാണ് നിർമിക്കുന്നത്. അമിത് ത്രിവേദിയാണ് ചിത്രത്തിന്റെ സംഗീതം ഒരുക്കുന്നത്.

ഹിന്ദിക്കും മലയാളത്തിനും പുറമെ ചിത്രം 2026 സെപ്റ്റംബർ 18ന് തിയറ്ററുകളിലെത്തും.