കൊല്ലം: കുണ്ടറയിൽ പൊലീസ് മർദ്ദനത്തെ തുടർന്ന് പരുക്കേറ്റ് പെരുമ്പുഴ സ്വദേശി സിയാദ് മരിച്ച സംഭവത്തിൽ യഥാർത്ഥ കുറ്റവാളികളെ കണ്ടെത്തി നിയമനടപടി സ്വീകരിക്കണമെന്നും സിയാദിന്റെ കുടുംബത്തിന് അർഹമായ നഷ്ടപരിഹാരം നൽകണമെന്നും ആവശ്യപ്പെട്ട് സിപിഐ എം പ്രതിഷേധ മാർച്ച് സംഘടിപ്പിച്ചു.
കൊട്ടാരക്കര റൂറൽ എസ്പി ഓഫീസിലേക്കാണ് സിപിഐ എം നേതൃത്വത്തിൽ പ്രതിഷേധ മാർച്ച് നടത്തിയത്. സിപിഐ എം സംസ്ഥാന സെക്രട്ടറി എം.വി. ഗോവിന്ദൻ മാസ്റ്റർ മാർച്ച് ഉദ്ഘാടനം ചെയ്തു.
സിയാദിന്റെ മരണത്തിന് ഉത്തരവാദികളായവരെ കണ്ടെത്തി കർശനമായി ശിക്ഷിക്കണമെന്നും കുടുംബത്തിന് നീതി ഉറപ്പാക്കണമെന്നും പ്രതിഷേധത്തിൽ നേതാക്കൾ ആവശ്യപ്പെട്ടു. സംഭവത്തിൽ സമഗ്രമായ അന്വേഷണം നടത്തി യഥാർഥ വസ്തുതകൾ പുറത്തുകൊണ്ടുവരണമെന്നും ആവശ്യപ്പെട്ടു.
